Calamandrié
Teucrium chamaedrys
Lamiaceae Labiaceae
Àutri noum : Pichot-chaine, Erbo-dóu-pichot-chaine, Cheineto, Erbo-di-masco, Pichot-roure.
Noms en français : Germandrée d'Allemagne, Germandrée petit chêne.
Descripcioun :Lou pichot-chaine, proun coumun, se rescountre sus li roucaio e tepiero seco de garrigo fin qu'i mountagno mejano. Se recounèis à sa flour roso e, de segur à sa fueio que douno d'èr à-n-aquelo dóu chaine en tout pichot (mai pas toujour).
Usanço :Es uno planto couneigudo pèr èstre "depurativo" que se bèu en tisano : "Es lou meiour depuratiéu qu'eisisto" (O. Madon, op.cit. p. 137). Ajudo à lucha contro lou mau d'os : "Iéu fasiéu uno curo de pichot-roure : uno enfusioun lou matin, uno infusioun lou souar, pendènt 21 jour, au printèms e à l'autouno, dous cop pèr an. S'acampo au printèms, quant es flouri (ib.).
Port : Pichoto planto lignouso
Taio : 5 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo
Gènre : Teucrium
Famiho : Lamiaceae
Famiho classico : Labiaceae
Ordre : Lamiales
Coulour de la flour :
Roso
Petalo : irreguliero
Ø (o loungour) flour : 12 à 15 mm
Flourido : Printèms
- Estiéu
Sòu : Ca (Si)
Autour basso e auto : 0 à 2200 m
Aparado : Noun
Mai à avoust
Liò : Tepiero roucaiouso
- Relarg à jóuinis aubret
- Roucaio
- Bos clar
Estànci : Termoumediterran à Subaupen
Couroulougi : Eurimediterrano
Ref. sc. : Teucrium chamaedrys L., 1753
Poutamot(-pigna)
Groenlandia densa
Potamogetonaceae
Nom en français : Potamot dense.
Descripcioun :Lou poutamot-pigna trachis dins li roubino, mueio e riéu. Pòu viéure quàuqui tèms en foro d'aigo. Se recounèis à sis entre-nous courtet e subretout à si fueio óupousado, oundado, longo de 1 à 3 cm e souvènt, mai pas toujour, larjo. Amo mies lis aigo lindo e claro. Ramentan que lis eloudèio an li fueio groupado pèr tres.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 60 Cm
Fueio : óupousado
Tipe bioulougico : Idroufite
Cicle bioulougico : Planto renadivo
Gènre : Groenlandia
Famiho : Potamogetonaceae
Ordre : Alismatales
Coulour de la flour :
Verdo
Petalo : >6
Ø (o loungour) enflourejado : 3 mm
Flourido : Printèms
- Estiéu
Sòu : ges
Autour basso e auto :
Pancaro entresigna
Aparado : Noun
Jun à avoust
Liò : Aigo
- Mueio
- Roubino
Estànci : Termoumediterran à Coulinen
Couroulougi : Éurasiatico
Ref. sc. : Groenlandia densa (L.) Fourr., 1869
(= Potamogeton densus L., 1753 )
